برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع

السلام عليكم ورحمة الله وبركاته

أهلا بيكم جميعا

أخواتى - أصدقائى
شباب من ( بنات - أولاد )

طبعا كلنا هنا واحد وهنفضل أن شاء الله واحد
بنتكلم وبنحكى على الى بيدور جوانا من مشاعر وكلمات وأحساس

بس صدقونى ناقصنا حاجه واحد هى روح التعاون والتفاعل
ان ياما نزلت موضوعات قبل كده وكنت بتمنى وبحلم ان ألاقى صدى اكبر بس للأسف بشوف العكس
فى نفس الوقت انا موش هيأس لأن دى بجد رسالتى ونفسى فعلا اقدمها ليكم انتم وأكملها معاكم
علشان نقدر نقاوم حياتنا ونواجه الصعاب الى بنقابلها

----------------
حوار من القلب للقلب

نفسى بجد انك تتكلم انت وهى وأنا معاكم
كلنا نقول الى جوانا
نقدر نشارك رأينا لبعض نقدر نفهم بعض أكتر ونقرب المفاهيم
-لو مضايق من حاجه تقدر تحكيها هنا معانا وانا وغيرى هيسمعك !
-لو نفسك تقول جملة حب قولها وأحنا كلنا هنقدرك !
-لو عايز تقول اى حاجه خاصه بحبك ؟؟ اتفضل فى الموضوع ده كلنا معاك !
-لو قادر تحكى قصتك أحكيها ممكن نتعلم منك وهنكون فى أمان !
الموضوع من الاخر يااجماعه حرية ليكم
عبر عن نفسك : ( زى ماانت عايز ليك حريتك )
عايزين نفضفض ونتكلم ونكون مع بعض دايما

عايز كل واحد منكم فعلا يحس انه فى بيته او فى مكان بيرتاح فيه
كلنا هنا أخوات

ياريت كل الى يدخل الموضوع يتكلم ويعبر عن الى جواه

موش عايز احس بجد انى عملت شىء مالهوش قيمة
عايز فعلا احس بيكم ونحس كلنا ببعض ااننا بنقدم شىء كويس
ونرتقى بقلوبنا ونعبر عن الى جوانا بشكل جميل متميز

ياريت محدش يتحرج ان يتكلم ويعبر عن نفسه !
ياريت فعلا تحس انك هنا فى امان وكلامنا كله أسرار !
ياريت محدش يتكسف ويقرأ الموضوع وميتكلمش معانا !
فكر مرة وأتنين وشارك .. ولما هتشارك غيرك هيشارك ويكون الموضوع ليه أهميته وكلامك ليه معنى وكلنا هنقدروا
لازم لازم بجد نكون ايد واحده !

انا فى أنتظار المشاركات الجاده من الجميع
وأتمنى الأستمرار
وانا واثق فيكم اننا هنعمل موضوع مفتوح (حوار من القلب للقلب )

طبعا انا موش هقدر أقدم موضوعات لوحدى ولاأكتب كلام وخلاص
لازم كلنا نفوق بقى ونتحرك ونكتب ونعبر عن الى جوانا
نعيش بجد ونعيش صح
ياترى مين معايا فى الموضوع ومين هيتكلم ومين هيعبر مين هيفضفض يالا انا فى الأنتظار

مع خالص حبى للجميع

الموضوع خاص فقط بقسم -الحب والرومانسيه -منتديات مزيكا اليوم
اعداد : Yahia

برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع Sv41ClW

__________________

DJ-Yahia - Magician Music "Official Group"
My Ring Tone Now : Omar Khairat - El 3arafa Wel 3otor El Sa7era

حمل الأن : أخر أعمال : DJ-Yahia - ميجا ميكس " ساحر المزيكا الجزء ال 11
DownLoad Now : Magician Music Mega Mix_VoL-11
خواطرى : قلبى ضـــاع منى

برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع User_online

برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع Quote

06-21-2008, 10:02 AM	#2 (permalink)
ميرنا الأعضاء تاريخ التسجيل: Nov 2006 المشاركات: 192	شكرا علي تعبك يحيي واكيد الكل هيشارك ولو بكلمه واللي مكنش عايز يشارك اول ميقراء كلامك الجميل دااااا اكيد هيشارك . وشكرا علي تعبك اهم 12 دقيقه في حياااااتي /// الدقيقــــة الاولـــ 1 ــــى /// * مــأســـاة * أن تصبح كالاعمى الذي يتكىء على كتف شخص غريب لايعلم ماذا سيكون نهاية الطريق الذي سيوصله إليه . /// الدقيقــة الثــانيـــــــ 2 ـــــة /// * غبـــاء * عندما تصبح بطيبتك مكان يٌلقي عليه المستغلون جبروتهم وأخطائهم لأنك طيب وستسكـت ولن تــواجـه . /// الدقيقـــة الثــالثــــــ 3 ــــــه /// * ســُخـط * عندما ترى أنسان ظاهره ملتزم وداخله أنسان مغتاب ومنافق لم ينسى أن البشر لم يروه ولكنه نسي أن فوقه من يراه. /// الدقيقــة الــرابــعــــــ 4 ــــة /// * غـــرابـــة * عندما يكون كل الناس معك خوفاً منك ومن لسانك وليس إحترامً لك . /// الدقيـــقة الــخــامســــــ 5 ـــــة /// * خيـــانة * عنــدما تكتــم أخطــاء غيــرك خـوفـاً عليهـم ووفـاء منك لهم وتصدم بأن أخطاءهم نُشرت بين الناس على أنها أخطاءك أنت وهم طاهرون من الخطأ . /// الدقيقـــة الســادســـــ 6 ـــــة /// * فلــســفة * عندما تتحدث وتتحدث ولا تعرف كيف يكون الاصغاء للغيـر . /// الدقيــقــة الســـابعـــ 7 ـــــة /// * قـــنـــاع ؟! * عندمـا ترى فلان يهـلل بقدوم شخص أمامك وقد كانوا معا قبل دقائق معدوده . /// الدقيـــقة الثــامـنــــ 8 ــــــــه /// * أيـــن ؟! * عندما ينقلب رأسـا على عقب ما كان يجمعك به من المحبة فتسأل نفسك : أين تلك العشرة ولا تسمع غير صدى صوتك هو الذي يجيـب على تسـألك . /// الدقيـــقة التـــاســعـــــــ 9 ـــــــة /// * ســُخــط * عندما تضع الطيبه والاحترام لهـم وهم وضعوك بقائمـة الانتظار وعندما يأتيهم الملل يأتوا ليبحثوا عنك . /// الدقيــقة العـــاشــــــ 10 ـــــــرة /// * إهـــانة * عندما ترى كلمة ( أحـبك ) بكل مكان وعـلى ألسن مراهقــة لا تقدرها فهي اصبحت مجرد ترانيم تتسع الاجواء . /// الدقيـــقة الحــاديــة عشــــ 11 ـــــــر /// * مــزاجيــة * عندمـا نأخـذ أحكام ديننا متى شئنا ونتناساها متــى مـا عارضت دواخلنا . /// الدقيقـــة الثــانية عشـــــ 12 ــــــر /// * إستحـــقــار * عندمـا نعبس وتمــلئ أعيننا نظرات غريبة عنـد رؤية وجه فلان وعندما نـُسأل مالذي بينك وبينــه ؟

06-21-2008, 05:24 PM	#3 (permalink)
bikky مشرفة المنتدى الاسلامى تاريخ التسجيل: Feb 2008 الدولة: ويـــــاهـ العمر: 20 المشاركات: 8,573	السلام عليكم ورحمة الله وبركاته موضوعك جميل جدا يا يحيى وفكرة حلوة اوى بجد وكتير بنبقى مخنوقين ومش بنلقى حد جنبنا يسمعلنا بس المشكله دلوقتى ان مبقاش فيه امان ف الدنيا مش عارفه ليه ؟؟؟ انا عن نفسى حاسه بكده فعلا مش عارفه ليه هو الناس هما اللى صح والدنيا هى الغلط ولا الدنيا هى الصح والناس هما اللى غلط مبقتش عارفه اى حاجه فى اى حاجه ولا الظروف هى اللى بتخلى الناس كده مش عارفه بجد احنا ليه بقينا كده اشكرك مرة تانيه يحيى على موضوعك __________________ اللَّهُمَّ ألف بين قلوبنا ، وأصلح ذات بيننا ، واهدنا سبل السلام ، ونجنا من الظلمات إلى النور ، وجنبنا الفواحش ما ظهر منها وما بطن ، وبارك لنا في أسماعنا وأبصارنا وقلوبنا وأزواجنا وذرياتنا ، وتب علينا إنك أنت التواب الرحيم ، واجعلنا شاكرين لنعمك مثنين بها عليك قابلين لها وأتمها علينا .

06-21-2008, 09:53 PM	#4 (permalink)
محمد ثروت عضو مزيكاوى تاريخ التسجيل: Sep 2006 الدولة: شبرا الخيمه:.:باسـوس:.: العمر: 22 المشاركات: 2,678	شكرا يا فنان بس بجد انا معاك BIKKY عندك حق والله الناس دالوقتى ياربنا بجد والله انا كرهات الشارع والدنيا من زمان مش عارف والى يبقا اعز الناس عند ولد او بنت ومفيش بينك وبينو غير الحب والصداقه وسرررك معاه وهو هكذاا بس بيتغير ليه متعرفش الدنيا كلها كده وانا واحد من الناس كرهات الدنيا بجد استغفر الله العظيم بجد خلاص والمنتدى هنا كمان فى ناس مبتحبش غير نفسيها عيز تبقا نجمه فى السماء على ايه يا حصراه بجد يعنى الواحد يسب الناس فى الشارع والدنيا ويخش عالمه الخاص يلقى هى هى الناس بجد انا بشكرا يا يحيى على موضوعك الجميل وانا بجد فى كلم جواااايه كتير بس انا زهقت بجد من الى بشوفو كل يوم سلام __________________

06-21-2008, 10:50 PM	#5 (permalink)
OSRY عضو مزيكاوى تاريخ التسجيل: Aug 2007 الدولة: مصر - كايرو - المنيل العمر: 22 المشاركات: 1,929	هايل والله يا يحيى على الموضوع الجميل دة بس اخلص مزاكرة الكرس الى فى ايدى وانا جي ندردش مع بعض استنونيى اوعو تمشو ههههههههه __________________ (اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا ‏فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ ‏يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ ‏حِفْظُهُمَا وَهُوَ الْعَلِيُّ الْعَظِيمُ )

06-22-2008, 08:41 AM	#6 (permalink)
amira mrmr الأعضاء تاريخ التسجيل: Jul 2007 الدولة: مصر العمر: 31 المشاركات: 45	الموضوع جميل

06-22-2008, 09:16 PM	#7 (permalink)
Not To Be عضو مزيكاوى تاريخ التسجيل: Jul 2006 الدولة: اى مكان يعجبنى العمر: 21 المشاركات: 10,042	انا جه الاول بس علشان محدش يتكلم ويقولى فينك ومش فينك انا موجود بس مش عاوز اشارك فى المنتدى كله غير فى قسم واحد بس وبلتحديد موضوع واحد بس يحيى كالعادة مواضيع هادفه فى اوقات مينفعش فيها المواضيع الهادفه هاكلمك عن الواقع يا يحيى شوف عدد اعضائك فى المنتدى كام واحد ( الوفات ) بس مش بيشاركوا غير اغانى وافلام علشان مجبرين على كدة عند الناس الى معروفه انه بتدخل المنتدى بتبق فين فى الالعاب طب ما تسال نفسك ليه : لاما هما ناس غريبه ودى صب طبعا لاما مبقاش حد عاوز يتكلم جد ودى الى اقصدة كل واحد جواة الى مكفيه محدش فاضى يطلع الى جواة ويتكلم لان معلش انا عن نفسى مينفعش اتكلم عن اى حاجة جوايه هنا فى المنتدى لان فى ناس تعرفنى شخصيا ومينفعش تتقال اة الكلام مش عليهم بس بردة لما تيجى تحسبها هاتلاقى انك غلط مع ان الكلام الى انت هاتقوله ممكن يجرح نس كتيرة بس مينفعش يتقال الخلاصه يا يحيى اهتم بقسمك اكتر من كدة واعمل مواضيع زى دى بس متخليش حد يحكى عن حاجة لان بجد لو مكنش نص كلامه غلط هايبق النص تانى مجاملات وبعض من الحقيقه الى مش هاتوصلك لحل ولو حلتله مشكلته هاتبق حلتها من وجهه نظرك الى وصلتلك غلط . واتمنالك التوفيق __________________ DEVIL OR ANGEL

06-23-2008, 11:04 PM	#8 (permalink)
samar w bas عضو مزيكاوى تاريخ التسجيل: Jul 2007 الدولة: اسكندريه العمر: 17 المشاركات: 17	ميرسي جدا يا يحي على موضوعك وبجد موضوع جميل جدا لكن صعب شويه لان مهما حد قال مشكلته مفيش حد للاسف بيغلط نفسه وانا مع احمد انك لما هتحل مشكلته هتحلها من وجهه نظرك للموضوع اللى انت فهمته ووصلك غلط لان اكيد فيه كدب لان محدش ابدا بيقول على نفسه انه مش كويس او وحش ومن تقدم للتانى يا يحي وربنا يوفقك :signbestwishes: thanks

06-24-2008, 01:30 AM	#9 (permalink)
Yahia مشرف الريمكســـات والحب تاريخ التسجيل: Nov 2006 الدولة: Egypt العمر: 23 المشاركات: 7,427	السلام عليكم ورحمة الله وبركاته اولا احب اشكركم جميعا على المشاركات الجاده معايا دى وانا سعيد فعلا انها مجرد بداية وخاصة انها جت من ناس غاليه فعلا عليا بجد اقول ايه ربنا يخليكم ليا ميرنا ---- انا بشكرك طبعا على ردك الأنيق بجد ده رد فى منتهى الجمال مشاركة من جميع الجوانب مشاركه فعلا هادفه بجد اتمنى عودتك مره اخرى فى الموضوع الى فعلا ردك ادى للموضوع بداية طيبه شكرا ميرنا --------------------------------- bikky ------- <span style="color:#006400"> طول عمرك سّباقه ياابيكى وده موش جديد عليكى دايما متابعينى وفعلا منقدرش نستغنى عنك وبالنسبة لردك انا فعلا طرحت الموضوع ده علشان نعبر عن الاشياء الى بنحبها بغض النظر سواء كنت حلوة ولا لاء المهم نعبر ونكون فعلا من بعض بس ياابيكى عايز اقولك حاجه ان الدنيا حلوه احنا الى بنحليها بجد بغض النظر عن الناس الى عايشيين معانا او الى بيمروا فى حياتنا ده راجع لينا احنا ومدى تأثيرنا فيهم ومدى تأثرنا بيهم لازم موش نستسلم واكيد الدنيا مالهاش امان الا مكنش اتقال عليها دنيا دنيا بتتعاش وليها اخر فى كل حاجه الا العمل الكويس بجد هو الى بيفضل وصدقينى الناس موش وحشه بس فى كتير مننا بيمر بظروف ممكن نحس بيه او ممكن منحسهاش ممكن نفهمها صح وممكن لاء لازم قبل مانحكم على حد نفتكر للشخص ده شىء كويس او على الاقل نحاول نعرف فين الغلط وأرجع وأقولك الانسان مهما كان بيبقى فيه شىء كويس وشىء مضاد ليه بس ياترى ايه الى بيبان اكتر وبنلاحظه اكتر واكيد الناس كلها موش زى بعض فى الكويس وفيه الوحش وانا بجد سعيد بيكى يا " بيكى " معانا بجد واتمنالك المزيد معانا وبشكرك على كلامك الى من القلب بجد -------------------------------------- محمد ثروت ------------- اهلا بيك يااحبيبى منور يااجميل الموضوع بجد وكويس انك شاركت فعلا برأيك وصارحتك دى بس انا زيك وفى غيرنا كتير بيمروا بنفس الموضوع ده بس اكيد كل واحد فينا بيحاول يدور على شىء جواه كويس او حاجه بيحبها ويروح ليها او يعملها واكيد الدنيا موش هتفضل دايما بتدينا ضهرها مجرد اختبار وايام وهتعدى لازم نصبر ونستحمل بدال جوانا شىء كويس يبقى اكيد هنوصل ساعات الحياه بتشغل الناس عن بعضها وبتخلى كل واحد يفكر ازاى يكون نفسها ده خلى الناس متحسش ببعضها والازمات تزيد بسب بعدنا عن بعض بس ارجع واقولك الحل فعلا فى القرب واننا نلاقى نفسنا من تانى ونقف على رجلينا ونفتح عنينا على حاجات بنحبها اكيد الدنيا هتبقى احلى ان شاء الله شكرا ليك ياابو حميد ياغالى واتمنى ليك عودة مرة اخرى معانا يااحبى ----------------------------------------------- OSRY ------- منور ياابنى والله وكفايه دخولك الموضوع بس يالا ارجع تانى وانا مستنيك علشان نتكلم مع بعض ونحكى شوية يالا موش تتأخر ---------------------------------------------------- amira mrmr --------------- اهلا بيكى وشكرا على ردك واتمنالك مشاركة فعاله او على الاقل قرءاه ممتعه ومفيده بالنسبة لمشاركات الاخرين ------------------------------------------------------ Love ahmed --------------- اهلا ياابو حميد اقول ايه بقى دلوقتى ياامشرفنى بجد بصراحه سعيد بوجودك معايا زى زمان يااغالى وانا عايز اقول كلمتين بس ياابو حميد ان الانسان بيحاول بيعمل الى عليه مهما كان انا بقدم المادة ونحاول مع بنعض نحللها بنكتب كلمات ونحاول نقرب معانيها لبعض انا معاك ان الزمن موش بقى محتاج موضوعات هادفه بس احنا برضك مننفعش نقول حاجه مالهاش لزمه فى نفس الوقت الصح انك وانا وغيرنا يبقف ثابت مكانه يأدى واجبه ويحاول يقنع الى قدامه انا طرحت موضوع موش مستنى حاجه عليا انى أصبر لااما أوصل لااما هوصل ان شاء الله لاان دايما انا مقتنع بحاجه وطول ماانا مقتنع بيها يبقى اكيد هتتحقق بدال فكرى نابع عن ايمان وثقه بنفسى ثم الغير صدقنى لو قولت فعلا اننا كلنا محتاجين بعض اننا نتكلم موش مهم شخص معين يستفاد ولا الكلام موجه لغرض معين بالعكس دعوه للجميع على الاقل قرءاة مشاركة او رد بشكر او رد بمناقشه اكيد بدال الكلام طالع من القلب هيوصل للقلب وانا حقيقى سعيد بيك جدا وبصراحتك وبكلامك الى فعلا حقيقى ومعبر بجد واوعدك أنى أستمر نحو هدفى شكرا مرة تانيه ياابو حميد ومستنى وجودك معانا مرة تانيه ---------------------------------------------- Samar w bas ---------------- شكرا ليكى يااجميله بجد وشرفتى الموضوع بس انا زى ماقولت لااخويا احمد هقولك ادينا بنحاول علشان نوصل ومش هنخسر حاجه ادينا بنعبر عن الى جوانا المهم اننا نكسر حاجز الصمت ومره فى مره كل شىء هيبقى كويس -------------------------------------------------- انا بجد سعيد بيكم كلكم وكل المشاركات بجد اسعدتنى انا فى انتظار المزيد من المشاركات وكلنا هنا مع بعض وهنكمل ان شاء الله المشوار خالص حبى للجميع يحيى O_n_a_r_Yahia </span> __________________ DJ-Yahia - Magician Music "Official Group" My Ring Tone Now : Omar Khairat - El 3arafa Wel 3otor El Sa7era حمل الأن : أخر أعمال : DJ-Yahia - ميجا ميكس " ساحر المزيكا الجزء ال 11 DownLoad Now : Magician Music Mega Mix_VoL-11 خواطرى : قلبى ضـــاع منى

برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع Post_old

06-25-2008, 03:10 AM

#10 (permalink)

zeina_15
الأعضاء

تاريخ التسجيل: Sep 2007
المشاركات: 19

برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع Icon1

بجد موضوع جميل أوى
معلش انا لسه جديدة فالمنتدى ومش بشارك كثير يعنى
بس موضوعك شدنى انى أرد

يعنى انا مش عارفة ليه كله بيقول الناس ملهاش آمان
كل ما اتكلم مع حد يقولى معدش فى ثقة معدش فى حب معدش فى اخلاص
طب لو كنا كلنا شايفين ان احنا طيبين و كل حاجة
اومال فين الناس اللى ملهومش آمان دول ؟؟
و لا ده كلام بنقوله بس لما بنبقى مجروحين و كده
و بعد كده لما بيطيب الجرح بنرجع نقول لأ أكيد فى ناس طيبة و فى ناس وحشة
و بنرجع نكمل حياتنا عادى

كمان فى حاجة ثانية
انا مش عارفة ليه أغلب الناس اللى عرفتهم و حبيتهم بجد
سواء بنات او ولاد لما حبوا بعدوا
مش عارفة ليه الواحد لما بيلاقى حبيبه بيبعد عن صحابه
مع ان زي ما هوه صعب تلاقى حد يحبك بجد زي ما صعب انك تلاقى صديق بجد

» هل بنات الناس (لعبه) واختك الوحيده هى( الانسانه) ؟؟؟؟؟؟؟؟
» سؤال يبكي القلب؟؟
» حوار جرئ جدا - الأنسان يسأل والحب يجيب
» حوار معا اسامة منير
» موضوع للنقاش - ممكن نحب بعض على النت