دموع الرجل....!!!!

موضوع: دموع الرجل....!!!! الخميس أبريل 15, 2010 4:00 am

... السلام عليكم ...

ازيكم جميعاً..
الموضوع ده بيدور حول سؤال .. اجابته اختلف عليها اتنين ..
والسؤال هو ..
دموع الرجل .. ضعف أم رقة قلب ؟؟

فى ناس بتشوف ان الراجل بقوته ورجولته وثباته .. مينفعش يبكى ..

وفى رأيهم ان لما الراجل يبكى .. يبقى انسان ضعيف ..

واحنا كمان مجتمعنا كا كل بيستغرب ويتخض ويتصدم لو شوفنا راجل بيبكى وانه مينفعش يكون ادام حد يبقى بينه وبين نفسه عشان يكتم فى روحه ميلاقيش حد جمبه تجيله حسره يموووت !!!

وفى ناس تانيه فى رأيها .. ان ايه يعنى لما الراجل يبكى .. هو موش انسان زينا زيه .. بنى ادم لحم ودم بيحس وعنده مشاعر وبيتأثر وحقه يعبر عن اللى جواه سواء فرح او حزن بدموعه ؟؟

ناس فى رأيها ان البكاء ده للمرأه بس هى ارق من الرجل وبتتأثر وحساسه عنه ..فا عادى لما نشوف واحده بتبكى .. انما موش عادى اننا نشوف راجل بيبكى !!

حتى لما بيكون اتنين بيحبو بعض سوا مثلا وحبيبها بيعيط .. فى بنات ينزل من نظرها حبيبها لو بكى .. وتقول انا موش عاوزه اشوف دموعك دى تانى .. موش عشان مضايق ولا هى عاوزه تخفف عنه .. لا ان هى موش عاوزه تشوفه بيبكى لانه مينفعش راجل يبكى !!!

انتو بقا شايفين الموضوع من انهى زاويه .. ضعف !!! أم رقة قلب ؟؟؟

انا من رأيى واللى شايفاه .. ان الراجل ده مهما كان راجل وقوى جدا واقوى من المرأه .. الا انه فى الاخر انسان عنده قلب ومشاعر وبيحس بل بتبقى اصعب ان راجل يبكى المفروض نحس بيه ونواسيه ونخفف عنه لانه اكيد بكائه ده هايكون على حاجه موش هينه ابدا .. واللى وراه حاجه كبيره موش سهله ..

غير المرأه .. على اى حاجه تبكى .. بس دى طبيعتها ..

ما بالك بقا باللى موش من شيمته ده اصلا !! قد ايه بتبقى صعبه وبتوجع ..

طولت عليكو .. بس يهمنى اعرف رأيكو ومناقشتكو مين معايا ومين معارضنى ..

... شكراً للمتابعه ...

03-20-2010, 03:27 PM	#2 (permalink)
الهضبة 2010 مشرف المنتدى العام تاريخ التسجيل: Sep 2009 الدولة: يعنى لو عرفت هتجينى..؟! العمر: 20 المشاركات: 6,523	مفيش حاجة اسمها مينفعش يبكى لان اصلا زى ما ربنا خلق دموع للمرأة خلقها للرجل وبرضوا مينفعش يبكى وخلاص وفي اى موقف لان المفروض دموعه غالية جدا ودايما هو بيبقي بمثابة القوة والضهر اللى الكل بيرمى همومه عليه يعنى لو هو هيبكى على طول اكيد هيولد ضعف في نفسية كل شخص من اللى حواليه واقولك برضوا لما يحب يبكى المفروض محدش ياخد باله ولا يحس بكدا ابد علشان ميقلش من هبته وقوته وع العموم انا مش بشوف الموضوع من زاوية رجل او أمراة لأ انا بشوفه من زاوية قوة الموقف اللى بيبكوا فيه والموقف الاحق بالبكاء ده وياريت ياعم الواحد يلاقي دموع ويعرف يبكى يمكن يستريح دا الواحد بقاله سنيييييييين مبكاش مش عارف باين جحود:d تسلم ايديك يا ميدو ع التوبيك __________________ أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! فتوى تهمك اون لاين صحتك بالدنيا شخصيات اسلامية

03-20-2010, 03:57 PM	#3 (permalink)
حسينsato2 عضو مزيكاوى تاريخ التسجيل: Aug 2009 الدولة: هتلاقينى فى اتحاد طلبه كلية تجارة جامعة حلوان العمر: 16 المشاركات: 2,388	على فكرة مش فى كل المواقف فى مواقف لما الرجل يبكى فيها يكون ضعف وفى منها لما يبكى بيكون ندم وفى منها بيبكى بيكون لهروب حبيبه والندم على فراقه ........................ إلخ لكن هو مش ضعف وعلى فكرة ساعات الدمع بيهدى مع ناس كتيرررر وهما بيقولوا دموعه ضعب علشان هو راجل واخد على القسيه والشقى بس والله ما ضعف ودموع الرجل الصعب بكتيرررر من دموع المراءه وشكر على التوبيك ميدو __________________ Devils Team 4 ever اكبر جروب مزيكا تو داى على الفيس بوك

03-20-2010, 05:35 PM	#4 (permalink)
midomido20081 عضو مزيكاوى تاريخ التسجيل: Jan 2009 الدولة: فى الدنيا الواسعه العمر: 22 المشاركات: 135	وياريت ياعم الواحد يلاقي دموع ويعرف يبكى يمكن يستريح دا الواحد بقاله سنيييييييين مبكاش مش عارف باين جحود ربنا يبعدها عنك ياهضوبه لأنها صعبه جدا انا مجربتهاش بس أكيد صعبه

03-20-2010, 05:39 PM	#5 (permalink)
midomido20081 عضو مزيكاوى تاريخ التسجيل: Jan 2009 الدولة: فى الدنيا الواسعه العمر: 22 المشاركات: 135	شكرا ليك ياحسين وعلى كلامك الجميل انت والهضبه بس أحيانا ومش كتيييير بتبقى دموع الراجل ضعف لأنه بيبقى فى موقف ومش عارف يعمل ايه.....مش زى الستات شغلييييييييييين على طول على الفاضى والمليان حنفيه مش بتتقفل

03-20-2010, 07:32 PM	#6 (permalink)
محمد تايسون عضو مزيكاوى خبرة تاريخ التسجيل: Feb 2009 الدولة: $حلوان وكنت ملك جامعتها$ المشاركات: 5,540	ولا فيه حد حجر ولا فيه حد قلبه ميت بس المهم انك متظهرش دموعك لحد لان الدموع بالنسبة لناس دليل على ضعفك توبك لذيذ __________________ توقيع مخالف

03-21-2010, 12:11 AM

#7 (permalink)

kemo lover
عضو مخالف

تاريخ التسجيل: Sep 2009
الدولة: عندنا
المشاركات: 3,157

اقتباس:

<TABLE cellSpacing=0 cellPadding=6 width="100%" border=0>

<TR>
<td class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">المشاركة الأصلية كتبت بواسطة محمد تايسون

ولا فيه حد حجر
ولا فيه حد قلبه ميت
بس المهم انك متظهرش دموعك لحد
لان الدموع بالنسبة لناس دليل على ضعفك
توبك لذيذ

</TD></TR></TABLE>

» خاص الصور : شاهد مشاغبات "إبراهيم الأبيض"و دموع "حازومة" (18 صورة)